ໃນວັນທີ 13 ຕຸລາ ຜ່ານມາ ທີ່ທະນາຄານແຫ່ງ ສປປ ລາວ, ທ່ານ ອາລຸນໄຊ ສູນນະລາດ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ (ຫສນຍ), ຄະນະສະເພາະກິດ 19/ກມສພ, ທັງເປັນຫົວໜ້າກອງເລຂາຄະນະສະເພາະກິດ ພ້ອມດ້ວຍກອງເລຂາຊ່ວຍວຽກຄະນະ ຈາກ ຫສນຍ ແລະ ບັນດາກະຊວງກ່ຽວຂ້ອງ ໄດ້ລົງເຄື່ອນໄຫວເຮັດວຽກຮ່ວມກັບຄະນະນໍາ ທະນາຄານ ແຫ່ງ ສປປ ລາວ (ທຫລ) ໂດຍມີທ່ານ ນາງ ວັດທະນາ ດາລາລອຍ ຮອງຜູ້ວ່າການທະນາຄານ, ບັນດາຄະນະກົມ ທຫລ ເຂົ້າຮ່ວມ.
ໃນໂອກາດກ່າວດັ່ງ, ທ່ານລັດຖະມົນຕີ ໄດ້ກ່າວມີຄໍາເຫັນບາງຕອນວ່າ: ການມາເຮັດວຽກຂອງຄະນະຄັ້ງ: (1) ເພື່ອຮັບຟັງຄໍາຄິດຄໍາເຫັນກ່ຽວກັບສະພາບການຈັດຕັ້ງປະຕິບັດວຽກງານຂົງເຂດທະນາຄານ ໂດຍສະເພາະການຈັດຕັ້ງປະຕິບັດແຜນເງິນຕາ ມີຂໍ້ສະດວກ, ຂໍ້ຫຍຸ້ງຍາກແນວໃດ ລວມທັງຮັບຟັງບັນດາຂໍ້ສະເໜີ ຈາກ ທຫລ ຕໍ່ຂະແໜງການອື່ນ, (2) ເປັນການຕິດຕາມ, ຊຸກຍູ້ ແລະ ປະເມີນຜົນການຈັດຕັ້ງປະຕິບັດບັນດານິຕິກຳ ກໍຄືມາດຕະການແກ້ໄຂບັນຫາເຄັ່ງຮ້ອນຂອງເສດຖະກິດ-ການເງິນ ໂດຍສະເພາະບັນຫາເງິນເຟີ້, ອັດຕາແລກປ່ຽນ ແລະ ບາງວຽກງານທີ່ຕິດພັນກັບຂະແໜງທະນາຄານ ນັບແຕ່ມື້ແຕ່ງຕັ້ງຄະນະສະເພາະກິດ 19/ກມສພ, ວັນທີ 30 ມິຖຸນາ 2023 ມາຮອດປັດຈຸບັນ ລວມທັງທິດທາງແຜນການແກ້ໄຂໄລຍະກາງ ແລະ ໄລຍະຍາວໃນຕໍ່ໜ້າ. ຮັບຟັງ ລາຍງານຄວາມຄືບໜ້າຜົນການຈັດຕັ້ງປະຕິບັດແຜນການເຄື່ອນໄຫວວຽກງານຈຸດສຸມ ຂອງຄະນະສະເພາະກິດ 19/ກມສພ, ເລກທີ 01/ນຍ, ລົງວັນທີ 18 ກໍລະກົດ 2023 ທີ່ຕິດພັນກັບພາລະບົດບາດຂອງ ທຫລ ໂດຍສະເພາະມາດຕະການແກ້ໄຂເງິນເຟີ້, ມາດຕະການແກ້ໄຂອັດຕາແລກປ່ຽນ, ມາດຕະການຄຸ້ມຄອງເງິນຕາຕ່າງປະເທດ, ການຕີລາຄາການຈັດຕັ້ງປະຕິບັດວຽກງານໃນໄລຍະ 3 ເດືອນຜ່ານມາ (ດ້ານດີ, ຂໍ້ຄົງຄ້າງ, ສາເຫດທີ່ພາໃຫ້ມີຂໍ້ຄົງຄ້າງ), ບົດຮຽນທີ່ສາມາດຖອດຖອນໄດ້, ທິດທາງ ແລະ ມາດຕະການໃນຕໍ່ໜ້າ; ຄວາມຄືບໜ້າການຈັດຕັ້ງປະຕິບັດຂໍ້ຕົກລົງເລກທີ 93/ນຍ ວ່າດ້ວຍການຈັດຕັ້ງປະຕິບັດ ນະໂຍບາຍສິນເຊື່ອ ເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນລົງສູ່ທ້ອງຖິ່ນ ເວົ້າລວມ, ເວົ້າສະເພາະ ແມ່ນລົງເລິກປະຕິບັດທິດຊີ້ນໍາຂອງລັດຖະບານ ຕາມແຈ້ງການສະບັບເລກທີ 1424/ຫສນຍ, ລົງວັນທີ 1 ສິງຫາ 2023 ແລະ ແຈ້ງການສະບັບເລກທີ 1644/ຫສນຍ, ລົງວັນທີ 30 ສິງຫາ 2023. ພາຍຫຼັງໄດ້ຮັບຟັງການລາຍງານ ບັນດາຜູ້ເຂົ້າຮ່ວມ ກໍໄດ້ສະເໜີຄຳຄິດຄໍາເຫັນ ຢ່າງກົງໄປກົງມາ ພ້ອມກັນປຶກສາຫາລື ແລະ ໄດ້ສະເໜີແລກປ່ຽນບາງຂໍ້ມູນດ້ານວິຊາການ.
ຫຼັງຈາກນັ້ນ, ທ່ານ ລັດຖະມົນຕີ ໄດ້ມີຄຳເຫັນສັງລວມເນື້ອໃນສຳຄັນ ໂດຍຍົກໃຫ້ເຫັນຄວາມພະຍາຍາມ ເອົາໃຈໃສ່ຂອງພາກສ່ວນຕ່າງໆ ເຮັດໃຫ້ມີຜົນສຳເລັດ ລວມທັງໄດ້ສະ
ເໜີຂໍ້ຄົງຄ້າງຈຳນວນໜຶ່ງ ທີ່ຕິດພັນກັບຂະແໜງການທະນາຄານ ຊຶ່ງຈະຕ້ອງໄດ້ພ້ອມກັນສຸມແກ້ໄຂໃຫ້ມີການຫັນປ່ຽນຢ່າງວ່ອງໄວ, ເລິກເຊິ່ງ ແລະ ຮອບດ້ານ ບົນພື້ນຖານຄວາມເປັນເຈົ້າການຮັບຜິດຊອບສູງ, ສຸມທຸກຄວາມສາມາດ ແລະ ເອົາການເອົາງານ ເພື່ອຈະພ້ອມກັນແກ້ໄຂຜ່ານຜ່າ ບັນດາຂໍ້ຫຍຸ້ງຍາກຕ່າງໆໃຫ້ໄດ້ ແລະ ທ່ານໄດ້ມີຄຳເຫັນສະເໜີໃຫ້ ທຫລ ເອົາໃຈໃສ່ຕື່ມບາງດ້ານ ເປັນຕົ້ນ (1) ໃຫ້ປະເມີນຄືນບັນດາເຄື່ອງມື, ກົນໄກນະໂຍບາຍທີ່ໃຊ້ໃນປັດຈຸບັນ ອັນໃດທີ່ມີປະສິດທິພາບແລ້ວ ຄວນສືບຕໍ່ ແລະ ອັນໃດບໍ່ມີປະສິດທິພາບ ຄວນໄດ້ປັບປຸງປ່ຽນແປງ ບົນພື້ນຖານຕ້ອງຢຶດໝັ້ນຜົນການຄົ້ນຄວ້າທາງດ້ານເຕັກນິກວິຊາການ; (2) ລົງເລິກການປະເມີນຄືນບັນດາໜ້າວຽກລະອຽດຕົວຈິງ ໃນຈໍານວນ 91 ໜ້າວຽກ ຢູ່ໃນຄວາມຮັບຜິດຊອບຂອງ ທຫລ ທີ່ໄດ້ກໍານົດຢູ່ໃນແຜນດໍາເນີນງານຂອງຄະນະສະເພາະກິດ 19/ກມສພ ໂດຍໃຫ້ສ້າງບັນຊີການກວດກາຄວາມຄືບໜ້າຂອງບັນດາໜ້າວຽກດັ່ງກ່າວລະອຽດ ເພື່ອໃຫ້ສາມາດຮູ້ໄດ້ວ່າວຽກໃດຈັດຕັ້ງປະຕິບັດສໍາເລັດແລ້ວ, ວຽກໃດກໍາລັງຈັດຕັ້ງປະຕິບັດ ແຕ່ຍັງບໍ່ທັນສໍາເລັດ ແລະ ວຽກໃດທີ່ຍັງບໍ່ທັນໄດ້ຈັດຕັ້ງປະຕິບັດ; (3) ໃຫ້ຄົ້ນຄວ້າມີຄຳເຫັນທາງດ້ານວິຊາການຕໍ່ບັນດາຄໍາເຫັນ, ຄຳສະເໜີ ໃນຄັ້ງນີ້ ໂດຍສະເພາະທີ່ຕິດພັນກັບບັນຫາພົ້ນເດັ່ນໃນຂົງເຂດທະນາຄານ ແລ້ວລາຍງານຄະນະສະເພາະກິດ 19/ກມສພ ມີທິດຊີ້ນຳຈັດຕັ້ງປະຕິບັດໃນຂັ້ນຕໍ່ໄປ.
ຂ່າວ-ພາບ: ກົມປະຊາສຳພັນ, ຫສນຍ
ໃນໂອກາດກ່າວດັ່ງ, ທ່ານລັດຖະມົນຕີ ໄດ້ກ່າວມີຄໍາເຫັນບາງຕອນວ່າ: ການມາເຮັດວຽກຂອງຄະນະຄັ້ງ: (1) ເພື່ອຮັບຟັງຄໍາຄິດຄໍາເຫັນກ່ຽວກັບສະພາບການຈັດຕັ້ງປະຕິບັດວຽກງານຂົງເຂດທະນາຄານ ໂດຍສະເພາະການຈັດຕັ້ງປະຕິບັດແຜນເງິນຕາ ມີຂໍ້ສະດວກ, ຂໍ້ຫຍຸ້ງຍາກແນວໃດ ລວມທັງຮັບຟັງບັນດາຂໍ້ສະເໜີ ຈາກ ທຫລ ຕໍ່ຂະແໜງການອື່ນ, (2) ເປັນການຕິດຕາມ, ຊຸກຍູ້ ແລະ ປະເມີນຜົນການຈັດຕັ້ງປະຕິບັດບັນດານິຕິກຳ ກໍຄືມາດຕະການແກ້ໄຂບັນຫາເຄັ່ງຮ້ອນຂອງເສດຖະກິດ-ການເງິນ ໂດຍສະເພາະບັນຫາເງິນເຟີ້, ອັດຕາແລກປ່ຽນ ແລະ ບາງວຽກງານທີ່ຕິດພັນກັບຂະແໜງທະນາຄານ ນັບແຕ່ມື້ແຕ່ງຕັ້ງຄະນະສະເພາະກິດ 19/ກມສພ, ວັນທີ 30 ມິຖຸນາ 2023 ມາຮອດປັດຈຸບັນ ລວມທັງທິດທາງແຜນການແກ້ໄຂໄລຍະກາງ ແລະ ໄລຍະຍາວໃນຕໍ່ໜ້າ. ຮັບຟັງ ລາຍງານຄວາມຄືບໜ້າຜົນການຈັດຕັ້ງປະຕິບັດແຜນການເຄື່ອນໄຫວວຽກງານຈຸດສຸມ ຂອງຄະນະສະເພາະກິດ 19/ກມສພ, ເລກທີ 01/ນຍ, ລົງວັນທີ 18 ກໍລະກົດ 2023 ທີ່ຕິດພັນກັບພາລະບົດບາດຂອງ ທຫລ ໂດຍສະເພາະມາດຕະການແກ້ໄຂເງິນເຟີ້, ມາດຕະການແກ້ໄຂອັດຕາແລກປ່ຽນ, ມາດຕະການຄຸ້ມຄອງເງິນຕາຕ່າງປະເທດ, ການຕີລາຄາການຈັດຕັ້ງປະຕິບັດວຽກງານໃນໄລຍະ 3 ເດືອນຜ່ານມາ (ດ້ານດີ, ຂໍ້ຄົງຄ້າງ, ສາເຫດທີ່ພາໃຫ້ມີຂໍ້ຄົງຄ້າງ), ບົດຮຽນທີ່ສາມາດຖອດຖອນໄດ້, ທິດທາງ ແລະ ມາດຕະການໃນຕໍ່ໜ້າ; ຄວາມຄືບໜ້າການຈັດຕັ້ງປະຕິບັດຂໍ້ຕົກລົງເລກທີ 93/ນຍ ວ່າດ້ວຍການຈັດຕັ້ງປະຕິບັດ ນະໂຍບາຍສິນເຊື່ອ ເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນລົງສູ່ທ້ອງຖິ່ນ ເວົ້າລວມ, ເວົ້າສະເພາະ ແມ່ນລົງເລິກປະຕິບັດທິດຊີ້ນໍາຂອງລັດຖະບານ ຕາມແຈ້ງການສະບັບເລກທີ 1424/ຫສນຍ, ລົງວັນທີ 1 ສິງຫາ 2023 ແລະ ແຈ້ງການສະບັບເລກທີ 1644/ຫສນຍ, ລົງວັນທີ 30 ສິງຫາ 2023. ພາຍຫຼັງໄດ້ຮັບຟັງການລາຍງານ ບັນດາຜູ້ເຂົ້າຮ່ວມ ກໍໄດ້ສະເໜີຄຳຄິດຄໍາເຫັນ ຢ່າງກົງໄປກົງມາ ພ້ອມກັນປຶກສາຫາລື ແລະ ໄດ້ສະເໜີແລກປ່ຽນບາງຂໍ້ມູນດ້ານວິຊາການ.
ຫຼັງຈາກນັ້ນ, ທ່ານ ລັດຖະມົນຕີ ໄດ້ມີຄຳເຫັນສັງລວມເນື້ອໃນສຳຄັນ ໂດຍຍົກໃຫ້ເຫັນຄວາມພະຍາຍາມ ເອົາໃຈໃສ່ຂອງພາກສ່ວນຕ່າງໆ ເຮັດໃຫ້ມີຜົນສຳເລັດ ລວມທັງໄດ້ສະ
ເໜີຂໍ້ຄົງຄ້າງຈຳນວນໜຶ່ງ ທີ່ຕິດພັນກັບຂະແໜງການທະນາຄານ ຊຶ່ງຈະຕ້ອງໄດ້ພ້ອມກັນສຸມແກ້ໄຂໃຫ້ມີການຫັນປ່ຽນຢ່າງວ່ອງໄວ, ເລິກເຊິ່ງ ແລະ ຮອບດ້ານ ບົນພື້ນຖານຄວາມເປັນເຈົ້າການຮັບຜິດຊອບສູງ, ສຸມທຸກຄວາມສາມາດ ແລະ ເອົາການເອົາງານ ເພື່ອຈະພ້ອມກັນແກ້ໄຂຜ່ານຜ່າ ບັນດາຂໍ້ຫຍຸ້ງຍາກຕ່າງໆໃຫ້ໄດ້ ແລະ ທ່ານໄດ້ມີຄຳເຫັນສະເໜີໃຫ້ ທຫລ ເອົາໃຈໃສ່ຕື່ມບາງດ້ານ ເປັນຕົ້ນ (1) ໃຫ້ປະເມີນຄືນບັນດາເຄື່ອງມື, ກົນໄກນະໂຍບາຍທີ່ໃຊ້ໃນປັດຈຸບັນ ອັນໃດທີ່ມີປະສິດທິພາບແລ້ວ ຄວນສືບຕໍ່ ແລະ ອັນໃດບໍ່ມີປະສິດທິພາບ ຄວນໄດ້ປັບປຸງປ່ຽນແປງ ບົນພື້ນຖານຕ້ອງຢຶດໝັ້ນຜົນການຄົ້ນຄວ້າທາງດ້ານເຕັກນິກວິຊາການ; (2) ລົງເລິກການປະເມີນຄືນບັນດາໜ້າວຽກລະອຽດຕົວຈິງ ໃນຈໍານວນ 91 ໜ້າວຽກ ຢູ່ໃນຄວາມຮັບຜິດຊອບຂອງ ທຫລ ທີ່ໄດ້ກໍານົດຢູ່ໃນແຜນດໍາເນີນງານຂອງຄະນະສະເພາະກິດ 19/ກມສພ ໂດຍໃຫ້ສ້າງບັນຊີການກວດກາຄວາມຄືບໜ້າຂອງບັນດາໜ້າວຽກດັ່ງກ່າວລະອຽດ ເພື່ອໃຫ້ສາມາດຮູ້ໄດ້ວ່າວຽກໃດຈັດຕັ້ງປະຕິບັດສໍາເລັດແລ້ວ, ວຽກໃດກໍາລັງຈັດຕັ້ງປະຕິບັດ ແຕ່ຍັງບໍ່ທັນສໍາເລັດ ແລະ ວຽກໃດທີ່ຍັງບໍ່ທັນໄດ້ຈັດຕັ້ງປະຕິບັດ; (3) ໃຫ້ຄົ້ນຄວ້າມີຄຳເຫັນທາງດ້ານວິຊາການຕໍ່ບັນດາຄໍາເຫັນ, ຄຳສະເໜີ ໃນຄັ້ງນີ້ ໂດຍສະເພາະທີ່ຕິດພັນກັບບັນຫາພົ້ນເດັ່ນໃນຂົງເຂດທະນາຄານ ແລ້ວລາຍງານຄະນະສະເພາະກິດ 19/ກມສພ ມີທິດຊີ້ນຳຈັດຕັ້ງປະຕິບັດໃນຂັ້ນຕໍ່ໄປ.
ຂ່າວ-ພາບ: ກົມປະຊາສຳພັນ, ຫສນຍ
ຄໍາເຫັນ